情緒勒索對應方案

情緒勒索者往往喺有意或無意中利用唔同嘅身份及環境去影響你嘅情緒令你作出讓步。情緒本身係中性，無需因為有情緒而怪責自己，反而識得覺察同控制自己嘅情緒最為重要！情緒受控情緒勒索者先會較難成虛而入。以下參考方案希望幫到大家。

1. 了解自己嘅需要
每人都有自己嘅需要，如果總係優先照顧其他人嘅感受，忽略咗自己，就令自己覺得難受。所以要多多同自己傾計，了解自己嘅需要，你嘅需要係同樣重要！

2. 好好地表達自己情緒
你有壓力我有壓力，情緒每個人都有，不論喺學校或職場我哋唔能夠期望其他人完全了解你嘅感受。所以學習好“講出口“，將自己嘅感覺講出嚟，令身邊嘅人能夠理解你嘅感受。

3. 了解自己嘅限制
無論情緒定係煩惱，一個人能夠承擔嘅範圍都係有限。要明白喺有限嘅能力內，想解決無限嘅問題，係不設實際。已經量力而為就已經可以俾個“叻“自己

4. 勇敢地說「不」
說「不」並唔係因為你係弱者，而係誠實面對自己嘅想法同感覺，保護自己嘅權益。唔誠實面對自己嘅 Yes Man 係好容易被情緒勒索。

就算想避免衝突發生，前提係要尊重自己嘅感受，做出屬於你嘅選擇。如果有唔舒服嘅感覺就要拒絕，向對方表達自己感受！勇敢做自己先能夠擺脫情緒勒索！

參考：和田秀樹《不被情緒勒索的51個方法》